கொரோனா அச்சம் – தள்ளிப்போகும் ‘மாஸ்டர்’ ரிலீஸ்

கொரோனா அச்சம் காரணமாக நாடு முழுவதும் ஊரடங்கு உத்தரவு அமுல்படுத்தப்பட்டு உள்ளதால் ‘மாஸ்டர்’ திரைப்படம் திட்டமிட்ட படி ரிலீசாவதில் சிக்கல் ஏற்பட்டுள்ளது.

விஜய்யின் 64 வது படம் ‘மாஸ்டர்’. லோகேஷ் கனகராஜ் இயக்கியுள்ள இப்படத்தில் விஜய்க்கு ஜோடியாக மாளவிகா மோகனனும், வில்லனாக விஜய் சேதுபதியும் நடித்துள்ளார்.

மேலும் சாந்தனு, ஆண்ட்ரியா, கவுரி கிஷான், அர்ஜுன் தாஸ் ஆகியோர் முக்கிய கதாபாத்திரத்தில் வருகின்றனர். சேவியர் பிரிட்டோ தயாரித்திருக்கும் இப்படத்திற்கு அனிருத் இசையமைத்துள்ளார்.

இப்படத்தை ஏப்ரல் மாதம் 9 ஆம் திகதி வெளியிட படக்குழு திட்டமிட்டிருந்தது. தற்போது கொரோனா அச்சுறுத்தல் காரணமாக நாடு முழுவதும் ஏப்ரல் 14 ஆம் திகதி வரை ஊரடங்கு உத்தரவு பிறப்பிக்கப்பட்டுள்ளது.

இதனால் ‘மாஸ்டர்’ படம் திட்டமிட்டபடி வெளியாவதில் சிக்கல் ஏற்பட்டுள்ளது. இதனால் இப்படத்தை மே 1 ஆம் திகதி வெளியிட படக்குழு திட்டமிட்டு வருவதாக குறிப்பிடப்படுகிறது.


Recommended For You

About the Author: ஈழவன்