பூ போன்று மிருதுவான இட்லி செய்யும் முறை

இன்றைய சமூகத்தில் காலை உணவு என்றாலே தவிர்க்க முடியாத ஒன்றாய் மாறிப்போனது தான் இட்லி. அனைவரும் விரும்பி சுவைக்கும் இட்லி எப்படி செய்வது என்பது குறித்து இந்த பதிவில் காணலாம் வாருங்கள். இட்லி செய்ய தேவையான பொருட்கள்:

இட்லி அரிசி – 3 கப் வெந்தயம் – 1.5 டேபிள் ஸ்பூன் உளுந்து – 1 கப் உப்பு – தேவையான அளவு இட்லி செய்முறை: முதலில் ஒரு பவுல் எடுத்து அதில் இட்லி அரிசி மற்றும் வெந்தயம் சேர்த்து தண்ணீரில் அலசி 3 மணி நேரம் வரைஊற வைக்கவும்.

பிறகு மற்றொரு பவுலில் உளுந்து போட்டு அதையும் இதேபோன்று ஊறவைக்கவும். பிறகு ஊறிய உளுந்தினை கிரைண்டரில் போட்டு அரைக்கவும். அரைத்த உளுந்தினை ஒரு பாத்திரத்தில் எடுத்து வைத்து கொள்ளவும்.

பிறகு ஊறவைத்த அரிசியினை கிரைண்டரில் போட்டு தண்ணீர் அடிக்கடி கொஞ்சம் கொஞ்சமாக ஊற்றி முழுவதுமாக அரைத்து கொள்ளவும்  ஒரு பெரிய பாத்திரத்தில் இரண்டு மாவினை சேர்த்து கைகளால் சேர்த்து கரைத்து 8 மணிநேரம் வரை புளிக்க விடவும்.

8 மணிநேரம் கழித்து இட்லி மாவு தயாராகிவிடும். பிறகு இட்லி மாவினை உப்பு போட்டு கரைத்து இட்லி தட்டில் ஊற்றி வேகவைத்து இறக்கினால் சுவையான இட்லி தயார். சமைக்க ஆகும் நேரம் – 20 நிமிடம்


Recommended For You

About the Author: Editor