தொடருந்துடன் மோதிய மகிழுந்து! – பெண் உயிருக்கு போராட்டம்..!!

தொடருந்து கடவை ஒன்றை கடக்க முற்பட்ட பெண் ஒருவர் விபத்துக்குள் சிக்கியுள்ளார்.
Savoy நகரில் நேற்று சனிக்கிழமை இச்சம்பவம் இடம்பெற்றுள்ளது. இங்குள்ள TER தொடருந்து நிலையத்துக்கு அருகில் உள்ள கடவை ஒன்றை மகிழுந்தில் பயணித்த பெண் ஒருவர் கடக்க முற்பட்டார்.
Albertville-Chambéry நகர் நோக்கி குடும்பமாக பயணித்த பெண் சாரதி, கடவையை கடக்க முற்பட்டபோது, எதிர்பாராவிதமாக தொடருந்துடன் மோதியது. 15:30 மணிக்கு இவ்விபத்து பதிவானதாக உள்ளூர் அதிகாரிகள் தெரிவித்துள்ளனர்.
மகிழுந்துக்குள் 43 வயதுடைய பெண், 46 வயதுடைய அவரது கணவர், 73 வயதுடைய முதியவர் மற்றும் 5 வயது மகள் ஆகியோர் பயணித்துள்ளனர்.
விபத்தில் மகிழுந்தை ஓட்டிச்சென்ற பெண் பலத்த காயங்களுக்கு உள்ளானார். மற்றைய மூவருக்கும் இலேசான காயங்கள் ஏற்பட்டது.
TER தொடருந்து மணிக்கு 80 கி.மீ வேகத்தில் பயணித்திருந்ததாகவும், அதேவேகத்தில் மகிழுந்துடன் மோதியுள்ளதாகவும் அறிவிக்கப்பட்டுள்ளது.

Recommended For You

About the Author: Editor