காஸ்மீரில் பனிச்சரிவு – 4 இராணுவத்தினர் உட்பட 6 பேர் பலி.

காஷ்மீரின் சியாச்சின் பனிப்பிரதேசத்தில் ஏற்பட்ட பனிச்சரிவில் சிக்கி 4 இராணுவ வீரர்கள் உட்பட 6 பேர் உயிரிழந்தனர்.

சியாச்சினின் வடக்கு பனிச்சிகரப் பகுதியில் சுமார் 18 ஆயிரம் அடி உயரத்தில் நேற்று (திங்கட்கிழமை) திடீரென பனிச்சரிவு ஏற்பட்டது.

இதில் 4 இராணுவ வீரர்களும் 2 தொழிலாளர்களும் உயிரிழந்து விட்டதாகவும் 2 வீரர்கள் காப்பாற்றப்பட்டுள்ளனர் என்றும் இராணுவ அதிகாரிகள் தெரிவித்தனர்.

இதற்கு முன்னதாக கடந்த 2016ஆம் ஆண்டு பெப்ரவரியில் சியாச்சினில் மிகப் பெரிய பனிச்சரிவு ஏற்பட்டது. இதில் 9 வீரர்கள் உயிரிழந்தனர்.

ஜம்மு காஷ்மீர் மாநிலம், இமயமலையின் மீதுள்ள சியாச்சின் பனிமலைப் பகுதி ஆண்டு முழுவதும் பனிகட்டிகளால் நிறைந்து காணப்படும். ஊடுருவலைத் தடுக்க, இந்த பகுதியில் முகாம் அமைத்து இந்திய இராணுவ வீரர்கள் கண்காணிப்பு பணியில் ஈடுபட்டு வருகின்றமை குறிப்பிடத்தக்கது.


Recommended For You

About the Author: ஈழவன்