தேவையானவை: ஆப்பிள் – ஒன்று, அன்னாசிப்பழம் – 2 ஸ்லைஸ், ஆரஞ்சு சுளைகள் – 4, சின்ன மாம்பழம் – ஒன்று, கறுப்பு அல்லது பச்சை திராட்சை – அரை கப், சர்க்கரை – தேவைக்கேற்ப, வெனிலா ஐஸ்க்ரீம் – ஒரு கப், டூட்டி ஃப்ரூட்டி – சிறிதளவு.
செய்முறை: பழங்களை நன்கு கழுவி சிறுசிறு துண்டுகளாக நறுக்கிக்கொள்ளவும். சர்க்கரையை லேசாக பாகு காய்ச்சவும். அகலமான பவுலில் நறுக்கிய பழங்களை நிரப்பி, மேலே சர்க்கரைப்பாகை ஊற்றவும். அதன்மேல் வெனிலா ஐஸ்க்ரீமை பரப்பி, டூட்டி ஃப்ரூட்டியைத் தூவிப் பரிமாறவும்.
