வேலை வாய்ப்பின்மை குறித்து பரவலாக இந்தியாவில் பேசப்படுகிறது. கடந்த 45 ஆண்டுகளில் இல்லாத அளவில் வேலை வாய்ப்பின்மை 6.1 விழுக்காடு இருப்பதாக 2017-18-ம் ஆண்டிற்கான தேசிய மாதிரி ஆய்வு அலுவலகத்தின் (NSSO) அறிக்கை கூறுகிறது. ஆண்டிற்கு 2 கோடி வேலை வாய்ப்புகளை உருவாக்குவதாக கூறிய மோடி அரசாங்கத்தின் மீது எதிர்க்கட்சியினர் கடுமையாக விமர்சனம் வைக்கின்றனர்.
வேலைவாய்ப்பின்மைக்கு கடந்த ஐந்து ஆண்டு கால பா.ஜ.க ஆட்சி காரணம் இல்லை என்றும் புதிய வேலை வாய்ப்புகளை உருவாக்க பல்வேறு நடவடிக்கைகளை அரசாங்கம் எடுத்துள்ளதாக மைய போக்குவரத்துத்துறை அமைச்சர் நிதின் கட்காரி சமீபத்திய நேர்காணல் ஒன்றில் கூறியிருந்தார்.
